ഷാ​ൽ​ബി​ന് ചാ​ട്ടം പി​ഴ​ച്ചു; പൊ​തു ശ​ല്യ​ക്കാ​ര​നെ​തി​രെ പ​രാ​തി ന​ൽ​കി അ​മ്പ​ല​ക്ക​മ​റ്റി​ക്കാ​ർ; പോ​ലീ​സ് സ്റ്റേ​ഷ​ന്‍റെ മ​തി​ലി​ൽ​നി​ന്ന്  ചാ​ടി ര​ക്ഷ​പ്പെ​ടാ​ൻ ശ്ര​മിച്ച പ്ര​തി ഇ​പ്പോ​ൾ മെ​ഡി​ക്ക​ൽ കോ​ള​ജി​ൽ

ചെറു​തോ​ണി: പോ​ലീ​സ് സ്‌​റ്റേ​ഷ​നി​ൽ വി​ളി​ച്ചുവ​രു​ത്തി​യ പ്ര​തി സ്റ്റേ​ഷ​ന്‍റെ സം​ര​ക്ഷ​ണ ഭി​ത്തി​യി​ൽനി​ന്നു ചാ​ടി ആ​ത്മ​ഹ​ത്യ​ക്ക് ശ്ര​മി​ച്ചു. മു​രി​ക്കാ​ശേ​രി മൂ​ങ്ങാ​പ്പാ​റ ക​ള​പ്പു​ര​യ്ക്ക​ൽ ഷാ​ജി​യു​ടെ മ​ക​ൻ ഷാ​ൽ​ബി​ൻ (21) ആ​ണ് മു​രി​ക്കാ​ശേ​രി പോ​ലീ​സ് സ്റ്റേ​ഷ​ന്‍റെ മു​റ്റ​ത്തു​നി​ന്നു 30 അ​ടി​യോ​ളം താ​ഴ്ച​യി​ലു​ള്ള റോ​ഡി​ലേ​ക്ക് ചാ​ടി ആ​ത്മ​ഹ​ത്യ​ക്ക് ശ്ര​മി​ച്ച​ത്. ഇ​ന്ന​ലെ രാ​വി​ലെ 11.30നാ​ണ് സം​ഭ​വം.

മൂ​ങ്ങാ​പ്പാ​റ ക്ഷേ​ത്ര​ത്തി​ന് സ​മീ​പം ഷാ​ൽ​ബി​ൽ ഉ​ൾ​പ്പെ​ടെ​യു​ള്ള യു​വാ​ക്ക​ൾ ശ​ല്യ​മു​ണ്ടാ​ക്കി​യ​തി​നെ​തി​രേ മൂ​ങ്ങാ​പ്പാ​റ ക്ഷേ​ത്രം ഭാ​ര​വാ​ഹി​ക​ൾ പോ​ലീ​സ് സ്റ്റേ​ഷ​നി​ൽ പരാതി ന​ല്കി​യി​രു​ന്നു.

പ​രാ​തി പ്ര​കാ​രം നാ​ല് യു​വാ​ക്ക​ളെ മു​രി​ക്കാ​ശേ​രി പോ​ലീ​സ് സ്റ്റേ​ഷ​നി​ലേ​ക്ക് വി​ളി​പ്പി​ച്ചു. ഷാ​ൽ​ബി​ൻ പെ​ട്ടെ​ന്ന് പോ​ലീ​സ് സ്റ്റേ​ഷ​ന്‍റെ മു​റ്റ​ത്തേ​ക്ക് ഓ​ടി​യി​റ​ങ്ങി സം​ര​ക്ഷ​ണ ഭി​ത്തി​യു​ടെ മു​ക​ളി​ൽ ക​യ​റി താ​ഴേ​ക്ക് ചാ​ടു​ക​യാ​യി​രു​ന്നു.

പ​രി​ക്കേ​റ്റ യു​വാ​വി​നെ ഉ​ട​ൻ ത​ന്നെ മു​രി​ക്കാ​ശേ​രി​യി​ലെ സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ച യു​വാ​വി​നെ വി​ദ​ഗ്ധ ചി​കി​ത്സ​യ്ക്കാ​യി ഇ​ടു​ക്കി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് മാ​റ്റി.

ഷാ​ൽ​ബി​ന്‍റെ പേ​രി​ൽ വ​ധ​ശ്ര​മം ഉ​ൾ​പ്പെ​ടെ നി​ര​വ​ധി കേ​സു​ക​ൾ പോ​ലീ​സ് ര​ജി​സ്റ്റ​ർ ചെ​യ്തി​ട്ടു​ള്ള​താ​ണ്. ഇ​യാ​ൾ പൊ​തു​ശ​ല്യ​മാ​ണെ​ന്ന് നാ​ട്ടു​കാ​ർ പ​റ​ഞ്ഞു.